На тэрыторыі дзіцячага сада маюцца дзве гульнявыя пляцоўкі, спартыўная пляцоўка, тэматычныя пляцоўкі "ДАІ", "МНС", аформлена экалагічная сцяжынка, тэатральны куток. На гульнявых пляцоўках размешчаны альтанкі, гульнявое абсталяванне (самалёт, паравозік, машына, веласіпед, горка для з'езда, арэлі). На спартыўнай пляцоўцы ёсць футбольныя вароты, валейбольная сетка, баскетбольная стойка, мішэні: лічбавыя, для траплення мяча, абсталяванне для лажання, пракатвання мячоў, бум, перакладзіны.Тэматычныя пляцоўкі ўключаюць у сябе роставыя фігуры міліцыянера і пажарнага, спецыяльныя машыны. На пляцоўцы МНС устаноўлены пажарны шчыт, на пляцоўцы ДАІ - святлафор, дарожныя знакі, аўтобусны прыпынак.
Тэатральны куток "На лясной паляне" змяшчае макет казачнага доміка, у які запрашаюць героі мультфільма "Маша і Мядзведзь", побач размешчаны фігуркі персанажаў з розных казак. Для гледачоў устаноўлены рознаўзроўневыя пянькі. На экалагічнай сцяжынцы аформлены станцыі: "Лес", "Бабулін падворак", "Метэастанцыя", "Агарод", "Кветнік", "Птушыны дом", "Луг". На станцыях устаноўлены лаўкі са спінкамі казачных персанажаў, пянькі і столікі, фігуры людзей і жывёл. На тэрыторыі маюцца зялёныя насаджэнні: пладовыя і ліставыя дрэвы, кусты.
Каля дэкаратыўнага вадаёма растуць папараць, лілейнік, на станцыі «Луг» - паляна маргарытак. На метэастанцыі высаджваюцца кветкі-барометры: эшшольцыя, фіялкі, календула. Каля будынка дзіцячага сада разбіты клумбы, на якіх растуць шматгадовыя і аднагадовыя кветкі.
Для далейшага добраўпарадкавання і бяспекі тэрыторыі неабходна правесці мадэрнізацыю тэматычнай пляцоўкі "ДАІ" (замена асфальтаванага пакрыцця дарожак, абнаўленне дарожных знакаў).